Viltu prufa að hugleiða í tuttugu mínútur?
Hugleiddu.is
Hæ! Gaman að sjá þig.
Ef þú vilt læra að hugleiða hefur þú
ratað á réttan stað.
Ef þú kannt nú þegar að hugleiða
en ert í stuði fyrir leiðsögn
hefur þú dottið í lukkupottinn.
Ég heiti Ari Másson.
Ég er með BS gráðu í sálfræði.
Hugleiðslutæknin sem
ég kenni á þessari síðu
er byggð á vísindalegum rannsóknum.
Hvað er hugleiðsla?
Hugleiðsla á uppruna sinn í Austurlöndum fjær.
Á Vesturlöndum hefur hugleiðsla verið aðskilin
frá trúarbrögðum og rannsökuð með vísindalegum aðferðum.
Einföld hugleiðsla er að ferðast um líkamann með því að beina athyglinni markvisst að upplýsingum í taugakerfinu.
Til dæmis að finna fyrir puttum eða andlitinu.
„Hugleiðsla snýst um að byggja upp rólegan
en jafnframt einbeittan huga.“
Niðurstöður rannsókna benda til að iðkun á hugleiðslu
hafi í för með sér ýmislegan ávinning,
þá sérstaklega aukna
tilfinningastjórn (e. emotional regulation),
athyglisstjórn
og sjálfsvitund.
Greint hefur verið frá því að hugleiðsla geti jafnvel
lækkað blóðþrýsting, dregið úr bólgum
og styrkt ónæmiskerfið (Basso o.fl., 2019).
„Geggjaðar fréttir en
hvað ef ég hef ekki tíma?“
Áttu 13 mínútur?
Hvernig virkar þetta í daglegu lífi?
Dæmi:
Ég hef of mikið að gera, ég veit ekki hvar ég á að byrja, mér fallast hendur, vil helst leggjast í gólfið og andvarpa mæðulega.
Ég gríp í taumana, stilli niðurtalningu á þrettán mínútur og gef mér vinalega stund með sjálfum mér.
Ég flokka möguleg úrræði og finn leið út úr völundarhúsinu; ég veit hvar ég get byrjað, eitt skref í einu.
Ég dreg andann djúpt, sleppi takinu og leyfi mér að vera í friði.
Mér líður eins og ég fljóti í lausu lofti í faðmi eigin vitundar.
Þetta er tíminn minn, ég má slappa af og hvílast.
Vöðvar slakna, lungun þenjast og ég anda hægt út um nefið.
Fyrr en varir hringir skeiðklukkan.
Ég er búinn að slökkva og kveikja á sjálfum mér, endurræsa kerfið, stilla saman strengi.
Endurnærður helli ég upp á kaffi og kem mér aftur til starfa.
Áfram með smjörið! Þeir fiska sem róa sig. Þeir veiða sem hugleiða.
Hvað er hugleiðsla út frá sjónarhorni vísinda?
Hugleiðslu má skipta upp í fjögur stig:
1. Einbeiting.
Einstaklingur einbeitir sér að blóðflæði í fingrunum.
2. Einstaklingur dettur út,
hann missir athyglina og fer að hugsa um eitthvað allt annað.
Hugurinn reikar úr einu yfir í annað.
3. Einstaklingur fattar að hann hafi dottið út
og sé að hugsa um eitthvað.
4. Einstaklingur nær taki á huganum
og festir athyglina aftur í fingurgómunum.
Sem sagt:
1. Einbeiting (e. focus).
2. Hugurinn reikar (e. mind wandering).
Að gera sér grein fyrir hugarreiki.
Tilfærsla athyglinnar (e. shift)
aftur í einbeitingarástand (e. focus).
Fólk ver miklum tíma í að hugsa um atburði í fortíðinni
og ímyndaða atburði sem gætu mögulega gerst í framtíðinni.
Staðalstilling hugans virðist vera að reika fram og til baka.
Hugur fólks reikar án tillits til þess hvað það er að gera.
Það sem fólk er að hugsa um hverju sinni gefur betri forspá
um hvernig því líður en hvað það er að gera.
Hugarreik veldur almennt vanlíðan (Killingsworth og Gilbert, 2010).
Hugarreik er bendlað við tauganet sem kallast
staðalstillingarnetið (e. default mode network).
Þetta net virkjast þegar heilinn er verkefnalaus (e. task-negative).
(Þegar heilinn hefur ekkert sérstakt að gera).
Staðalstillingarnetið sér um umfangsmikla
ósjálfráða hugarstarfsemi
líkt og að rifja upp minningar, áætlanagerð fyrir framtíðina
og vangaveltur um hugarheim annarra (e. theory of mind).
Svæðið hefur sérstaklega verið bendlað við
hugsanaferli sem snúast um sjálfið,
en sjálfsvísandi úrvinnsla
(hugsanir sjálfsins um sjálfið) er eitt af helstu
einkennum hugarreiks (Bremer o.fl., 2022).
salience network (SN) areas in green and
central executive network (CEN) associated areas in red
Bláa svæðið heitir staðalstillingarnetið
(e. default mode network) (DMN)
Líkamsskynjunarbörkur (e. somatosensory cortex) er svæði í heilanum
sem tekur á móti og vinnur úr skynupplýsingum frá líkamanum.
Hans helsta hlutverk er að taka á móti og túlka upplýsingar um snertingu, þrýsting, sársauka, hitastig og líkamsstöðu. Mismunandi svæði vinna með skynboð frá mismunandi hlutum líkamans. Þetta er kallað somatotopic organization, sem þýðir að ákveðin svæði í líkamsskynjunarbarkanum eru tengd ákveðnum líkamshlutum.
Somatosensory homunculus (karlinn hérna að ofan) sýnir hvernig líkamsskynjunarbörkurinn táknar mismunandi hluta líkamans.
Hendurnar eru stórar sem þýðir að heilinn er næmur í höndunum, því er auðvelt að finna fyrir höndunum.
Gegn gjaldi býð ég upp á sérsniðnar og sérsmíðaðar
hugleiðslur.
Einnig býð ég upp á einkakennslu í síma eða zoom.
Ef þú ert með uppástungu eða einhverja pælingu
þá máttu endilega senda mér tölvupóst eða skilaboð.